Neste proxecto gustaríanos que as persoas que o desexen poidan sumarse, cooperar e ser partícipes no cambio cara a un modelo enerxético 100% renovable.

A base de Nosa Enerxía son as persoas socias, que son as protagonistas e a forza necesaria para acadar os obxectivos marcados.

Cunha pequena achega, podes contribuír a todo isto:

  Podes consumir enerxía eléctrica de orixe renovable certificada, a un prezo xusto e sustentable.

Tes acceso aos bens e servizos que poida ofrecer a cooperativa.

  Participas na toma de decisións da cooperativa, e polo tanto, contribúes á soberanía enerxética.

  Colaboras nun proxecto de propiedade colectiva, e fas que a xestión da enerxía sexa democrática.

  Podes participar na posta en marcha dos proxectos de xeración de enerxía renovable que se vaian facer.

  Axudas nun modelo de xestión que defende o desenvolvemento sostible e apoia os principios da economía social.

  Apoias a defensa da natureza, a protección do medio ambiente e actividades de carácter social e solidario.

  Fortaleces o tecido autóctono de enerxías renovables, xerando traballo e desenvolvemento a nivel local.