Nosa Enerxía S.Coop.Galega es una cooperativa de consumidores y usuarios, y polo tanto, es una entidad donde las personas socias se organizan para consumir los productos y servicios que desean, en las condiciones que estas determinen.

O obxecto de Nosa Enerxía é a comercialización de enerxía de orixe renovable a todos aqueles socios/as da cooperativa, proporcionando un servizo de calidade a un prezo xusto.

A cooperativa artéllase como unha organización sen ánimo de lucro, é dicir, que todos aqueles beneficios ou excedentes que obteña a cooperativa pola súa actividade, non se reparten entre os socios da mesma, senón que se reinvisten na cooperativa, na comunidade ou en aquilo que decida a asemblea de persoas socias.

¿Por qué Nosa Enerxía?

Actualmente vivimos nunha sociedade na que os principais fornecedores de enerxía son os combustibles fósiles, e polo tanto, fontes de enerxía non renovable que contaminan, degradan e destrúen o medio ambiente no que vivimos.

Parece evidente que se vai chegar a unha situación na que as fontes de enerxía non renovable non van cubrir as necesidades básicas de enerxía das persoas, polo que é preciso un cambio xeralizado dende as enerxías non renovables cara a eficiencia enerxética e as enerxías renovables.

O proxecto de Nosa Enerxía xorde en Galicia pola iniciativa dun grupo persoas que aposta por un novo modelo de xestión enerxética, onde as enerxías renovables, a eficiencia enerxética, a promoción da economía local, a transparencia e a xestión democrática sexan as bases deste novo modelo.

Para a posta en marcha e fortalecemento desta iniciativa cómpre que cada un de nós poñamos o noso gran de area, deste xeito, poderemos facer da cooperativa unha ferramenta dinámica que permita a evolución cara a un sistema enerxético sustentable.

¿Qué facemos?

A actividade da cooperativa organízase en tres grandes áreas:

¿Cómo nos organizamos?

A asemblea xeral é o órgano máis importante de expresión da vontade social. Consiste na reunión das persoas socias da cooperativa, constituída co obxecto de deliberar e tomar decisións sobre a política xeral da mesma. Cada persoa socia ten un voto, independentemente do capital que achegase á cooperativa.

O consello reitor é o órgano de xestión e representación da cooperativa, e polo tanto, desenvolve as tarefas ordinarias da cooperativa, aplicando e respectando as decisións acordadas na asemblea xeral.

A día de hoxe, o consello reitor está formado polas seguintes persoas:

• Presidente: Óscar Milego Fernández

• Vicepresidente: Serafín Valencia Triviño

• Secretaria: Rosa Álvarez Bernárdez

• Tesoureiro: Jose Antonio Eiras Vila

• Vogal 1: María José Grobas Garaboa
• Vogal 2: Néstor Vázquez Mariño
• Vogal 3: Amigos da Terra Galicia (representada por Susana Soto Fernández)