Nosa Enerxía S. Coop. Galega acada os 1000 contratos de suministro de enerxía renovable con certificado de orixe.Grazas pola vosa confianza!!

Novas tarifas da luz 

En xullo de 2019 a Comisión Nacional dos Mercados e a Competencia ( CNMC) publicou unha primeira proposta dunha nova metodoloxía para o cálculo das peaxes de transporte e distribución de electricidade (novas tarifas). Nese escrito dicíase que entrarían en vigor o 1 de xaneiro de 2020, pero tras os períodos de consultas e alegacións, foise atrasando.

Finalmente, a nova proposta publicouse no BOE, e por tanto fíxose oficial, o 15 de xaneiro de 2020 (Circular 3/2020, do 15 de xaneiro). Neste novo documento indícase que as novas tarifas entrarían en vigor o 1 de novembro de 2020, pero debido á situación actual provocada polo COVID-19 atrasouse a súa entrada en vigor ao 1 de abril de 2021 (Circular 7/2020 do 22 de xullo). O 25 de febreiro, o Miteco anunciou que a data definitiva será o 1 de xuño de 2021.

Novas tarifas ATR:

• Todas as tarifas ATR do sistema cambiarán ao novos sistema tarifario: consumidores domésticos e empresas.

• Os cambios en potencia afectan na forma de contratación, número de períodos e na maneira de penalizar os excesos.

• A principal novidade no termo de enerxía é a introdución da discriminación por períodos, obrigatoria en todas as tarifas.

• Créase unha tarifa especial para os puntos de recarga públicos.

Créanse dúas tarifas ATR para vehículos eléctricos: 3.0 TDVE e 6.1 TDVE: Estas tarifas ATR terán un desconto no custo ATR de potencia e de enerxía (20% e 80% respectivamente das peaxes de transporte e distribución, cunha utilización do 10%)

• Exclusivamente para recarga de vehículo eléctrico con acceso público.

• Aplicación a aqueles puntos de subministración en redes de tensión inferior a 30 kV e con potencia contratada superior a 15kW.

Créanse tarifas ATR para autoconsumo a través de rede:

• Tarifas 2.0 TDA, 3.0 TDA, 6.1 TDA, 6.2 TDA, 6.3 TDA e 6.4 TDA.

• Mesma estrutura que as novas tarifas.

A continuación explicamos as características das tarifas que afectan ás persoas socias de Nosa Enerxía:

Tarifas 2.0 TD

• A nova tarifa 2.0 TD substitúe ás tarifas 2.0 e 2.1 actuais.

• Tensión < 1 kV.

• Potencia contratada ≤ 15 kW en todos os períodos.

• Dous termos de potencia: punta e val.

• Tres termos de enerxía: punta, chairo e val.

• 8 horas cada período en días laborables.

• En total ao ano hai máis do 50% de horas en período vale.

Potencia:

Enerxia: 

O período punta é o máis caro de todos, seguido do chan. Por último o val que é o más barato dos tres

Tarifas 3.0 TD

Tensión < 1 kV (baixa tensión). Potencia contratada > 15 kW en polo menos 1 dos períodos.

Seis termos de potencia con potencias crecentes, Pn+1 ≥ Pn.

P1 actual = P1 na nova tarifa.

P2 actual = P2, P3, P4 e P5.

P3 actual = P6 (pasaría a ser a máis alta contratada).

Principais novidades:

• Potencias crecentes: P1≤ P2 ≤ P3 ≤ P4 ≤ P5 ≤ P6

• Cambian as penalizacións por excesos de potencia.

Períodos de enerxía e potencia

Os períodos dividen as horas do ano en función da tempada, o día da semana e a hora do día.

O ano dividirase en catro tempadas e 5 tipos de días:

As horas de cada período segundo o tipo de día:

En formato táboa:

Nosa Enerxía S. Coop. Galega impartiu o pasado 18 de decembro, un obradoiro sobre exemplos de cooperativismo.O presidente de Nosa Enerxía S. Coop. Galega, Ángel Montero fixo unha presentación da cooperativa en aula D en Vigo.

O vindeiro 27 de novembro, o vicepresidente de Nosa Enerxía S. Coop. Galega, Pablo Álvarez vai a intervir na palestra  sobre a Enerxía Comunitaria en Europa no marco do Seminario. Internacional Os venres ao vento, organizado pola OEGAL.

Nosa Enerxía S. Coop. Galega na Feira de Alternativas contra a Emerxencia Climática no marco de Compostela+Solidaria o pasado vénres 18 de Setembro de 2020.

Persoas socias de Nosa Enerxía S. Coop. Galega interviron nun obradoiro online de formación sobre comunidades enerxéticas organizado por Ecoloxistas en Acción.

Nosa Enerxía S. Coop. Galega participou  na mesa redonda sobre Enerxías renovables, a clave para un futuro verde e azul, no marco do Festival Mar de Mares.

Moderados por Guillermo Iglesias, Profesor de Economía Ambiental na Facultade de Económicas da UDC, darannos as claves para entender a importancia que para o noso futuro representa a transición enerxética e o potencial do mar na xeración de enerxía renovable.

No marco da Mostra do Posible 2020 en Cangas do Morrazo.

Nosa Enerxía S. Coop. Galega vai a participar no faladoiro sobre a inevitabilidade do cambio productivo por imperativo climático na Escola das Economías Transformadoras.

O vicepresidente da coop. Pablo Álvarez, vai a falar da experiencia de Nosa Enerxía na mesa de experiencias das economías transformadoras o sábado 03/10/20 de 09:00 - 14:00 horas.